許冠傑珍藏網 - SamHui Collection Website

Sam珍藏網
網主心聲
相關論壇
唱片藏珍閣
鐳射唱片珍藏 1989金裝系列5cd銀圈版套裝 1992版歌神19cd套裝 1999-2000二十世紀光輝印記11碟紙盒套裝 2003版巨星之初許冠傑英文專輯全集5CD套裝 2003限量版珍藏木盒18廣東專輯全集cd套裝半斤八兩經典電影原聲大碟極品數碼音色8CD套裝單碟專輯cd 港版ep類cd系列合輯、翻唱及純音樂類cd 精選輯類cd *演唱會現場版cd
黑膠唱片珍藏 ep細碟類lp系列電臺單曲DJ碟（白版碟）lp 港版專輯大碟lp 海外版本專輯大碟lp 合輯、翻唱及純音樂類lp 精選輯類lp 臺灣版本專輯大碟lp 演唱會現場版lp
經典影視
電影類
演唱會
其它視頻
集錦寶庫
報紙類
雜誌、書籍類
海報、廣告類
其它物品
其他歌星珍藏
鐳射唱片
黑膠唱片
影視
其它收藏品
買賣及交換專區
淘寳商店
唱片區
視頻區
其它物品區
嘉賓區
嘉賓收藏來料
嘉賓精華文貼
Sam迷網互鏈

寶鑑（紀念專集精裝珍藏書冊+4CD套裝）




























出版年份	2008
類型	鐳射唱片（CD）
發行商	環球
曲目
説明	特別同各位介紹一下環球唱片公司於2008年3月19日隆重推出嘅---《寶鑑》（300頁紀念專集精裝珍藏書冊+4CDs，限量版）先！呢本超級珍藏書《寶鑑》，可以話係環球唱片2008年隆重推介、跨越1960至2000年代嘅光輝史詩！由鑽石唱片年代歌神許冠傑、溫拿、鄧麗君等見證香港流行樂壇之急速起飛，至寶麗金最光芒萬丈嘅歌手陣容，譚詠麟、張國榮、李克勤、幾大天王張學友、黎明、劉德華嘅加盟，以及歌后陳慧嫻、關淑怡、王靖雯等嘅冒起，再演變至環球唱片嘅成熟期，陳慧琳、許志安、張敬軒、陳奕迅等歌者各領風騷嘅年代，呢個音樂品牌見證住半世紀嘅香港樂壇之風雲......而呢一切，就由呢册《寶鑑》之中從頭講起！《寶鑑》以300頁紀念專集精裝珍藏書冊及4CD套裝一并發行，4CD則收錄咗鑽石唱片、寶麗金唱片及環球唱片呢三個唔同時期嘅嚴選、精選好歌達80首之多，其中仲將周慧敏、王馨平、張學友、草蜢、湯寶如、劉小慧、黎明、黎瑞恩、關淑怡、鄭嘉穎代表作連串成一曲「鼓舞飛揚」精選版，由楊振龍、甘志偉及Patrick Delay特別炮製。而300頁珍藏書冊則由資深音樂人陳永業撰文，各巨星之小傳娓娓道來，圖文并茂，內容相當詳盡、豐富，完全可以讓你一次過重溫共1315張經典唱片，書中唱片封套圖片連同曲目、年份、唱片編號亦一一輯錄，係一本絕對值得珍藏嘅音樂《寶鑑》，係有志於研究香港流行音樂發展歷史嘅人士嘅必藏之選。《寶鑑》以獨立編號印製，限量發行。【寶鑑】：跨越1960至2000年代；印記鑽石、寶麗金、環球唱片半世紀之光輝史詩；結集152位本地歌手； 300頁紀念專集精裝珍藏書冊；讓你一次過重溫；共1315張唱片封套連同曲目、年份、唱片編號；及由資深音樂人陳永業撰寫之巨星小傳。不過，呢本珍藏《寶鑑》除以上介紹其如何「威水」之外，對於我哋嚟講，仲有一層非常重大嘅意義！------呢本書當中有關Sam Hui許冠傑呢一PART嘅唔少珍貴絕版黑膠唱片圖片及其相關資料，均由Samkong、Highyun一同創立嘅「許冠傑珍藏網」（即係本網站啦~~）特別提供咖！各位不妨留意一下第四及第五幅圖片，亦即係《寶鑑》最Last嗰一頁，就赫然印住發行商特別鳴謝熱心提供資料嘅機構及個人名單，噉當中就梗係唔少得要鳴謝一下我哋呢個資料豐富到爆棚嘅「許冠傑珍藏網」以及「Samkong、Highyun」2名網主啦，哈哈。【4CD套裝之曲目】： CD 1 01. Let's Go Off-Beat – Kong Ling 02. Bungawan Solo 梭羅河 – Mona Fong 03. Ding Dong Song (叮噹歌) - 潘迪華 04. Lullaby of Birdland – Marilyn Palmer 05. You've Lost That Loving Feeling - The Fabulous Echoes 06. 十號風波(Seven Lonely Days) – 鄧寄塵/李慧合唱 07. 盡在不言中 - 顧媚 08. Shadow of Your Smile – Rowena 09. Up Up & Away - Danny Diaz & The Checkmates 10. I'll Be Waiting – The Lotus 11. I'm A Believer – Teddy Robin & The Playboys 12. Deborah - Joe Jr. & Side Effects 13. Send Her Back – The Mystics 14. I Still Love You – Anders Nelson & The Inspiration 15. Love to Dance (Hala Hala) – D'Topnotes 16. Stranger to Love - Mod East 17. 1, 2, 3 Red Light – The Menace 18. 淡水河邊 – 葉德嫻 19. 愛情的代價 - Teddy Robin & The Playboys 20. 鬼馬雙星 - 許冠傑 21. Wynner's Theme – The Wynners 22. Hasta Manana 情莫變 – Amina CD 2 01. 浪子心聲 - 許冠傑 02. 4:55 (Part Of The Game) 03. 生命之光 - 陳秋霞 04. 千言萬語 - 鄧麗君 05. Butterfly – 李振輝 06. So Long Until The End – 陳美玲 07. The Homecoming - Albert Au 08. 夜來香 - 鄧麗君 09. 財神到 - 許冠傑 10. Thank You - 張國榮 11. 唱一首好歌 - 譚詠麟 12. 漁火閃閃 - 區瑞強 13. 追族 - 張國榮 14. 天蠶變 - 關正傑 15. 星 - 關正傑 16. 曲中情 – 溫拿 17. 這是愛 - 泰迪羅賓 18. 為我獻上心韻 - 關菊英 19. 難忘您 - 許冠傑 20. 但願人長久 - 鄧麗君 21. 倆忘煙水裡 - 關正傑/關菊英 CD 3 01. 荳芽夢 - 露雲娜 02. 借來的美夢 - 彭健新 03. 是誰在我耳邊唱 – 蔡國權 04. 明日有會期 – 蔣麗萍 05. 少女慈禧 - 柳影虹 06. 償還 - 鄧麗君 07. 癡心的一句 - 鍾鎮濤 08. 霧之戀 – 譚詠麟 09. 愛的熱淚 – 雷安娜/蔣麗萍 10. 月半彎 - 張學友 11. 勁舞DANCING QUEEN - 麥潔文 12. 堆積情感 - 鄺美雲 13. 冬 – 徐小鳳 14. 傷感的戀人 - 黃凱芹 15. 共同渡過 - 張國榮 16. 禁色 - 達明一派 17. 半夢半醒 - 譚詠麟 18. 幾時再見 - 陳慧嫻 19. 人生何處不相逢 - 陳慧嫻 CD 4 01. 大會堂演奏廳 - 李克勤 02. 由零開始 - 張國榮 03. 歲月無聲 – Beyond 04. 一切也願意 - 關淑怡 05. LONELY - 草蜢 06. 愛不完 - 劉德華 07. 紅茶館 - 陳慧嫻 08. 如果你知我苦衷 - 周慧敏 09. 雨季不再來 - 黎瑞恩 10. 祇想一生跟你走 - 張學友 11. 夏日傾情 - 黎明 12. 執迷不悔 (國) - 王靖雯 13. 別問我是誰 (國) - 王馨平 14. 鼓舞飛揚 (特別精選版)* 15. 那有一天不想你 - 黎明 16. 感冒 - 湯寶如 17. 你的名字我的姓氏 - 張學友 *鼓舞飛揚(特別精選版) - 周慧敏/王馨平/張學友/草蜢/湯寶如/劉小慧/黎明/黎瑞恩/關淑怡/鄭嘉穎 [編: 楊振龍/甘志偉/Patrick Delay] 01. 我愛ICHI BAN – 黎明 02. 假的戀愛 – 關淑怡 03. 一人有一個夢想 – 黎瑞恩 04. 朋友 – 草蜢 05. 夏日傾情 – 黎明 06. 新鴛鴦蝴蝶夢 – 鄭嘉穎/王馨平 07. 自作多情 – 周慧敏 08. 熱力節拍WOU BOM BA 09. 祗想一生跟你走 – 張學友 10. 一天一點愛戀 – 草蜢 11. 愛如潮水 – 劉小慧 12. 執迷不悔 – 王馨平 13. 容易受傷的女人 – 湯寶如 14. 愛、火、花 – 張學友